ANTİKORRUPSİYA MƏRKƏZİNİN YIĞINCAĞI KEÇİRİLMİŞDİR
AZƏRTAC xəbər verir ki, Azərbaycan Prezidentinin təsdiq etdiyi “Korrupsiyaya qarşı mübarizə Proqramı”na uyğun olaraq Müstəqil Elmi- Praktik Hüquq Mərkəzinin nəzdində antikorrupsiya hüquq-informasiya mərkəzi üzvlərinin ilk yığıncağı keçirilmişdir. Yığıncaqda təşkilati məsələlərə baxılmışdır. İstefada olan polis polkovniki Şəmsəddin Əliyev idarə heyətinin sədri, Günay Şimiyeva isə sədrin müavini seçilmişlər.
Proqramın həyata keçirilməsinə kömək məqsədi ilə iş planı hazırlanmış, ayrı-ayrı sahələr üzrə cavabdehlər müəyyənləşmişdir. Yığıncaqda iştirak edən MEPHM-in vitse-prezidenti Nigar Filiyeva belə bir mərkəzin yaradılmasının əhəmiyyətindən, bu işə hər cür kömək göstərilməsinin zəruriliyindən danışmışdır.
