APOEL - “Qarabağ” qarşılaşmasının birinci hissəsi başa çatıb
Bakı, 6 avqust, Nicat Məmmədov, AZƏRTAC
UEFA Çempionlar Liqasının 2019-2020-ci il mövsümünün üçüncü təsnifat mərhələsi çərçivəsində avqustun 6-da keçirilən APOEL-“Qarabağ” oyununun birinci hissəsi qolsuz heç-heçə ilə yekunlaşıb.
AZƏRTAC xəbər verir ki, ilk dəqiqələrdən topa nəzarət edərək rəqibin hücumlarının qarşısını alan “Qarabağ” birinci hissədə bir neçə təhlükəli vəziyyətlər yaradıb. Görüşün 14-cü dəqiqəsində APOEL-in müdafiəçilərinin səhvindən sonra Abdulla Zubir qapıçı ilə təkbətək qalsa da, rəqibin qapıçısı zərbənin qarşısını ala bilib. Oyunun 25-ci dəqiqəsində Abdulla Zubir yenidən diqqət mərkəzində olub. Üç müdafiəçini keçərək Mahir Emreliyə dəqiq ötürmə verib. Lakin müdafiəçilər topu uzaqlaşdırıb. Qalan dəqiqələrdə hər iki komandanın cəhdlərinə baxmayaraq hesab dəyişilməyib.
Bölmənin digər xəbərləri
