Bakı, 21 sentyabr, AZƏRTAC

Azərbaycan Premyer Liqasının III turu Bakının “Neftçi” futbol klubunun qapıçısı Aqil Məmmədov üçün yubileylə əlamətdar olub.

AZƏRTAC Peşəkar Futbol Liqasının saytına istinadla xəbər verir ki, “Qarabağ”la səfər matçı (1:2) qolkiperin Premyer Liqada “ağ-qaralar”ın heyətində keçirdiyi 50-ci oyun kimi yadda qalıb. O, 2015-2016-cı illərdə də şərəfini qoruduğu paytaxt təmsilçisinə 2019-cu ildə qayıdıb. A.Məmmədov bu müddətdə keçirdiyi 50 görüşdə 57 top buraxıb.

Qeyd edək ki, qapıçı Azərbaycan çempionatlarında “Neftçi”də 50 və daha çox oyun keçirən 7-ci qapıçıdır.