AQRAR İSLAHATLAR SAHİBKARLIĞIN İNKİŞAFINA ZƏMİN YARADIB
Torpaqların özəlləşdirilməsi, texnika və əmlakın fermerlərə verilməsi Beyləqanda kənd təsərrüfatı məhsullarının artırılmasına zəmin yaradıb. Rayon icra hakimiyyətindən müxbirimizə bildirmişlər ki, aqrar islahatlar uğurla həyata keçirilir. Əkinə yararlı 41 min hektar sahə 63 min 828 nəfərin xüsusi mülkiyyətinə verilib. Kolxoz və sovxozların 19,6 milyard manatlıq əmlakı özəlləşdirilib. Aqrar islahatlar nəticəsində bu il taxıl istehsalı iki dəfə artıb. Fermerlər, şəxsi torpaq sahibləri bu il sahələrdən bol kartof, bostan, tərəvəz, meyvə məhsulu götürüblər.
Bölmənin digər xəbərləri
