AQRAR SEKTORUN İNKİŞAFI DİQQƏT MƏRKƏZİNDƏDİR
Son vaxtlar aqrar sektorda aparılan islahatlar, dövlətin bu sahəyə xüsusi diqqət və qayğısı fermer və sahibkarların fəaliyyətinə müsbət təsir göstərmişdir.
Ağdaş Rayon İcra Hakimiyyətindən AZƏRTAC-ın müxbirinə bildirmişlər ki, 2006-cı ildə rayonda yaradılmış “Aqrotexservis” ASC-nin xidmətindən yerli torpaq mülkiyyətçiləri lazımınca bəhrələnirlər. Ötən il müəssisənin texnika parkının genişləndirilməsi üçün 5 traktor, 6 kotan, 4 kombayn, 2 taxılsəpən və 2 şum traktoru, 2 mala, bir ot presləyən və bir otbiçən traktor alınmışdır.
Regionların sosial-iqtisadi inkişafı Dövlət Proqramına uyğun olaraq, rayonda taxılçılıq, üzümçülük və pambıqçılığın inkişafı ilə əlaqədar torpaq mülkiyyətçiləri texniki yardımla yanaşı, münasib qiymətlərə gübrə və dərman preparatları ilə də təmin olunurlar.
Bölmənin digər xəbərləri
