Bakıda atletika üzrə ölkə çempionatı start götürəcək
Bakı, 11 iyun, AZƏRTAC
Gənclər və İdman Nazirliyi və Azərbaycan Atletika Federasiyasının (AAF) təşkilatçılığı ilə ölkə çempionatı keçiriləcək.
AZƏRTAC xəbər verir ki, Azərbaycan İdman Akademiyasının (AİA) stadionunda və AAF-ın atma növləri üzrə bazasında baş tutacaq yarışda milli komandanın aparıcı üzvləri də daxil olmaqla, ölkənin müxtəlif bölgələrindən olan ən güclü atletlər mübarizə aparacaqlar. İki gün davam edəcək Azərbaycan çempionatı nüfuzlu beynəlxalq yarışlara seçim baxımından mühüm əhəmiyyət kəsb edir.
İyunun 12-də saat 16:30-da AİA-nın stadionunda müxtəlif növlər üzrə yarışlar keçiriləcək, ardınca isə çempionatın açılış mərasimi baş tutacaq.
Bölmənin digər xəbərləri
