Rusiya XİN Avropanın üç ölkəsinin səfirləri ilə görüş barədə məlumat verib

11.06.2026 [15:16]
Çap et
A⁺ A^-

Moskva, 11 iyun, AZƏRTAC

Rusiya xarici işlər nazirinin müavini Mixail Qaluzin Moskvada Böyük Britaniya, Fransa və Almaniya səfirləri ilə görüşüb.

AZƏRTAC xəbər verir ki, bu barədə Rusiya Xarici İşlər Nazirliyinin saytında dərc olunmuş açıqlamada bildirilir.

İyunun 11-də keçirilən görüşdə Böyük Britaniya, Fransa və Almaniyanın Rusiyadakı səfirləri Naycel Keysi, Nikolas de Rivyer və Aleksandr Qraf Lambsdorff iştirak ediblər.

Rusiya Xarici İşlər Nazirliyinin məlumatına görə, görüş zamanı diplomatik nümayəndəliklərin rəhbərlərinə Moskvanın Ukrayna böhranı ilə bağlı ölkələrinin siyasətinə verdiyi qiymətlər barədə məlumat verilib.

Bundan əlavə, Rusiya tərəfinin münaqişəyə siyasi və diplomatik həll yolu tapmaq üçün mövqeyi izah edilib.

_{Fəridə Abdullayeva}

_{AZƏRTAC-ın xüsusi müxbiri}

_Moskva