ARDNŞ İYUNDA 176 MİN TONA YAXIN NEFT MƏHSULU IXRAC ETMİŞDİR
AZƏRTAC xəbər verir ki, Azərbaycan Respublikası Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi 2008-ci ilin iyununda 175 min 897 ton neft məhsulu ixrac etmişdir.
ARDNŞ-dən bildirmişlər ki, ixrac olunmuş məhsulun 27 min 544 tonu avtomobil benzini, 92 min 778 tonu dizel yanacağı, 14 min 576 tonu təyyarə yanacağı, 40 min 999 tonu soba mazutu olmuşdur.
2008-ci ilin yanvar-iyun aylarında 183 min 673 ton avtomobil benzini, 656 min 62 ton dizel yanacağı, 128 min 219 ton təyyarə yanacağı, 214 min 430 ton soba mazutu ixrac olunmuşdur.
İyunda dünya bazarlarında avtomobil benzininin qiyməti (1 ton üçün) 1132,02 ABŞ dolları, təyyarə yanacağının - 1287,27 dollar, dizel yanacağının - 1201,55 dollar, mazutun qiyməti isə 673,81 dollar təşkil etmişdir.
Bölmənin digər xəbərləri
