ASİYA İNKİŞAF BANKI İLƏ ƏLAQƏLƏR MÖHKƏMLƏNİR
İqtisadi İnkişaf Nazirliyindən AZƏRTAC-a bildirmişlər ki, indiyədək Asiya İnkişaf Bankı (AİB) tərəfindən ölkəmizdə 2,6 milyon ABŞ dolları məbləğində 6 texniki yardım layihəsi və 3,3 milyon dollar məbləğində 2 qrant layihəsi həyata keçirilmişdir. AİB-lə 2004-2006-cı illər üçün təsdiq edilmiş Üçillik ölkə proqramı çərçivəsində 6 milyon dollar məbləğində 12 texniki yardım layihəsinin reallaşdırılması nəzərdə tutulur. Həmin illərdə həyata keçiriləcək və ümumi məbləği 168,5 milyon dollar olan 6 layihə üzrə AİB 106 milyon dollar kredit ayırmağı planlaşdırır. Kreditin 66 milyon dolları güzəştli, 40 milyon dolları isə güzəştsizdir. Qalan məbləğin 42,5 milyon dolları Azərbaycan hökumətinin, 20 milyon dolları isə digər mənbələrin hesabına maliyyələşəcəkdir.
Bölmənin digər xəbərləri
