Astana və Almatı hava limanlarında bəzi uçuşlarda gecikmələr qeydə alınıb

21.12.2018 [12:16]
Çap et
A⁺ A^-

Astana, 21 dekabr, АZƏRTAC

Qazaxıstanın Astana və Almatı şəhərlərindəki hava limanlarında bəzi uçuşlarda gecikmələr qeydə alınıb.

AZƏRTAC xəbər verir ki, Almatıda 4, Astanada isə 6 reysdə ləngimələr olub. Almatı hava limanında gecikmələr texniki səbəbdən yaranıb. Astanada isə hava şəraitinin pisləşməsi gecikmələrə səbəb olub.

Qeyd edək ki, Qazaxıstanın paytaxtında güclü şaxta səbəbiylə fırtına xəbərdarlığı elan edilib. Belə ki, dekabrın 21 və 24-də havanın temperaturu normadan aşağı olacaq, mənfi 32-35 dərəcəyədək enəcək.

İlahə Əhmədova

AZƏRTAC-ın xüsusi müxbiri

Astana