Astanada keçiriləcək V Dünya Köçəri Oyunlarında 89 ölkə iştirakını təsdiqləyib
Astana, 24 iyun, AZƏRTAC
Sentyabrın 8-13-də Qazaxıstanın paytaxtı Astanada keçiriləcək V Dünya Köçəri Oyunlarında iştirakını 89 ölkə təsdiqləyib.
AZƏRTAC xəbər verir ki, bu barədə Qazaxıstanın turizm və idman nazirinin müavini Serik Jarasbayev bildirib.
Jarasbayevin sözlərinə görə, Oyunlarda iştirak üçün 2500-dən çox idmançının gəlməsi gözlənilir. Oyunların proqramına 21 idman növü daxildir ki, onların yarısını qazax, digərləri isə bir çox Türk ölkələrinin milli idman növləri təşkil edir.
Köçəri xalqların ənənəvi oyunlarına əsaslanan beynəlxalq idman yarışı olan Dünya Köçəri Oyunları UNESCO-nun Qeyri-maddi mədəni irs siyahısına daxil edilib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
