ASTANADA XƏZƏRYANI DÖVLƏTLƏRİN EKSPERTLƏRİNİN İCLASI KEÇİRİLƏCƏKDİR
Qazaxıstanın Bakıdakı səfiri Andar Şukputov jurnalistlərə bildirmişdir ki, mayın 10-12-də Astanada beş Xəzəryanı dövlətin ekspert qrupları rəhbərlərinin Xəzərin hüquqi statusunun razılaşdırılmasına dair iclası keçiriləcəkdir. Onun sözlərinə görə, ekspertlər iclasda hövzənin statusuna dair konvensiya üzərində işi davam etdirəcəklər.
Səfir üç Xəzəryanı dövlətin - Qazaxıstan, Azərbaycan və Rusiyanın hazırda Dağıstanda keçirdikləri komanda-qərargah təlimlərinin əhəmiyyətini də vurğulamışdır. Andar Şukputov Astana, Bakı və Moskvanın gələcəkdə Xəzərdə irimiqyaslı hərbi təlimlər keçirəcəyini də istisna etməmişdir.
Bölmənin digər xəbərləri
