Astara rayonunda qadını yaşadığı evdə öldürməkdə təqsirləndirilən şəxslə bağlı cinayət işinin istintaqı yekunlaşdırılıb
Bakı, 7 may, AZƏRTAC
Oktyabrın 1-də Astara rayon sakini Aslanova Rəhimə Ağacan qızının yaşadığı evdə qəsdən öldürülməsi faktı üzrə Cinayət Məcəlləsinin müvafiq maddələri ilə rayon prokurorluğunda cinayət işi başlanıb, istintaq aparılıb.
Astara Rayon Prokurorluğundan AZƏRTAC-a verilən məlumata görə, istintaqla müəyyən edilib ki, rayon sakini Rüstəm Heydərov həmin tarixdə Rəhimə Aslanovanın yaşayış sahəsinə quldurluq niyyəti ilə qanunsuz daxil olub, silah qismində istifadə etdiyi əşya ilə onu xüsusi amansızlıqla qəsdən öldürüb.
Rüstəm Heydərov Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə), 120.2.11-ci (quldurluq, hədə-qorxu ilə tələb etməklə əlaqədar adam öldürmə) və 181.3.3-cü (quldurluq) maddələri ilə təqsirləndirilən şəxs qismində cəlb olunaraq barəsində məhkəmənin qərarı ilə həbs qətimkan tədbiri seçilib.
Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Lənkəran Ağır Cinayətlər Məhkəməsinə göndərilib.
Bölmənin digər xəbərləri
