ASTARADA ARIÇILIĞIN İNKİŞAFINA DİQQƏT ARTMIŞDIR
AZƏRTAC xəbər verir ki, regionların sosial-iqtisadi inkişafı Dövlət Proqramında nəzərdə tutulan tədbirlərə müvafiq olaraq Astara rayonunda arıçılığın inkişafına diqqət artmışdır.
Rayonda arıçılıqla məşğul olan fiziki şəxslərin sayı artaraq 1000 nəfərə çatmış, bu sahə üzrə kəndli-fermer təsərrüfatları yaradılmışdır. Hər il rayonda 100 tona yaxın bal istehsal olunur.
Astara rayonunun dağlıq ərazisində yerləşən Miki kəndində arıçılıq, demək olar ki, sakinlərin əsas peşəsinə çevrilmişdir. Burada hər evdə arı ailəsi saxlanılır. Kənd sakini Əlikram Salayev ixtisasca riyaziyyat müəllimi olsa da, asudə vaxtlarında arıçılıqla məşğul olur, 70-dən çox arı ailəsinə qulluq göstərir.
Bu yaxınlarda Kənd Təsərrüfatı Nazirliyi tərəfindən Bakı şəhərində təşkil olunmuş arıçılıq məhsullarının sərgi-satış yarmarkasında iştirak edən Ə.Salayev arıçılıq məhsullarının istehsalında yüksək göstəricilər qazandığına görə nazirliyin fəxri fərmanı ilə təltif edilmişdir.
Bölmənin digər xəbərləri
