ASTARADA DÜNYA AZƏRBAYCANLILARININ HƏMRƏYLİYİ GÜNÜNƏ HƏSR OLUNMUŞ ŞAHMAT TURNİRİ KEÇİRİLİR

10.12.2009 [21:54]
Çap et
A⁺ A^-

Astara, 10 dekabr (AZƏRTAC). Astara şəhərindəki şahmat məktəbində Dünya Azərbaycanlılarının Həmrəyliyi gününə həsr olunmuş respublika şahmat turniri keçirilir.

“Təhsil” Respublika İdman Mərkəzinin təşkilatçılığı ilə keçirilən turnirdə ölkəmizin 17 şəhər və rayonunın 76 idmançısı iştirak edir.

Tədbir iştirakçıları əvvəlcə şəhərin Heydər Əliyev parkına gələrək, ümummilli liderin abidəsi önünə gül dəstələri düzmüş, xatirəsini ehtiramla yad etmişlər.

Turnirin açılışı mərasimdə çıxış edənlər ölkəmizdə bədən tərbiyəsi və idmanın inkişafına göstərilən dövlət qayğısından danışmış, Azərbaycan idmançılarının olimpiya oyunlarında, dünya və Avropa birinciliklərində qazandıqları nailliyyətləri diqqətə çatdırmış, idmançılar üçün yaradılan şəraitə və onlara göstərilən qayğıya görə dövlətimizin başçısına minnətdarlıqlarını bildirmişlər.

8-16 yaşlı oğlanlar və qızlar arasında İsveçrə sistemi üzrə 9 turda keçirilən respublika turniri dekabrın 16-da başa çatacaqdır.

Qaliblərə “Təhsil” Respublika İdman Mərkəzinin diplomları, fəxri fərmanları və xatirə hədiyyələri təqdim ediləcəkdir.

######