ATƏT AZƏRBAYCANDA ÖZƏL TELEKANALIN YAYIMININ BƏRPA OLUNMASINDAN RAZIDIR
“Milli Teleradio Şurası bildirmişdir ki, “bu yaxınlarda elan olunan müsabiqə yekunlaşana qədər kanalın yayımlandığı tezliyin boş qalmaması üçün”, müstəsna hal kimi, ANS öz yayımını davam etdirə bilər. Şura həmçinin bildirmişdir ki, bu qərar “Prezident İlham Əliyevin xoş məramı eyni zamanda, ictimaiyyət və hüquq fəalları tərəfindən edilən müraciətlərin nəticəsidir”.
ATƏT-in Bakı ofisinin rəhbəri Robin Sivord demişdir: Biz Milli Şuranın ictimaiyyətin kanalı yayımda görmək arzusunu nəzərə alan, siyasi çeviklik göstərən qərarını alqışlayırıq. Biz başa düşürük ki, ANS-in işinin bərpasına icazə verən qərar heç bir şərtlə müşayiət olunmur və ümid edirik ki, bunun təsdiqi kimi kanalın redaktor xəttinin dəyişmədiyinin şahidi olacağıq.
ATƏT-in Mətbuat azadlığı üzrə nümayəndəsi Miklos Haraşti hazırda ANS-in istifadəsində olan tezliyin müsabiqəyə çıxarılmasını şərh edərək bildirmişdir: “Azərbaycan xalqı ölkədə, regionda və dünyada baş verənlər haqqında məlumat almaq üçün müxtəlif məlumat mənbələri seçmək hüququna malik olmalıdır”.
