Audiovizual Şura dörd kanala platforma yayımçısı lisenziyası verib
Bakı, 30 noyabr, AZƏRTAC
Noyabrın 30-da Audiovizual Şuranın növbəti iclası keçirilib.
Şuradan AZƏRTAC-a bildiriblər ki, iclasda peyk yayımı həyata keçirməyən platforma yayımçısı lisenziyasının alınması məqsədilə "APAMARK" MMC, "Səhiyyə TV" MMC, "Aqro Televiziya və Radio" MMC və "ATV Plus" MMC tərəfindən Şuraya daxil olmuş müraciətlərə baxılıb.
Müraciət edən şirkətlər tərəfindən təqdim olunmuş sənədlər və onların məzmunu Şura üzvləri tərəfindən müzakirə olunub. Geniş müzakirələrdən sonra peyk yayımı həyata keçirməyən platforma yayımçısı lisenziyalarının "APAMARK" MMC-yə (televiziya redaksiyasının adı: "APA TV"), "Səhiyyə TV" MMC-yə (televiziya redaksiyasının adı: "Səhiyyə TV"), "Aqro Televiziya və Radio" MMC-yə (televiziya redaksiyasının adı: "Agro TV") və "ATV Plus" MMC-yə (televiziya redaksiyalarının adları: "Vivace" və "ATV+Cinema") verilməsi barədə müvafiq qərarlar qəbul edilib.
Bölmənin digər xəbərləri
