Avroliqadakı təmsilçilərimiz “Qarabağ” və “Qəbələ” Topaz Premyer Liqasında qələbə qazanıblar
Bakı, 24 avqust, AZƏRTAC
Futbol üzrə Topaz Premyer Liqasının üçüncü turunda dörd qarşılaşma oynanılıb.
AZƏRTAC xəbər verir ki, UEFA Avropa Liqasının pley-off mərhələsində İsveçrədə “Yanq Boyz” üzərində qələbədən sonra böyük ruh yüksəkliyi ilə meydana çıxan Ağdamın “Qarabağ” komandası bu turda səfər matçında AZAL-ı məğlub edib - 2:0. “Xəzər-Lənkəran” isə doğma meydanda “Rəvan”ın müqavimətini qıra bilməyib - 1:1. Avroliqadakı digər təmsilçimiz “Qəbələ” ev oyununda “Kəpəz” komandası üzərində minimal hesabla (1:0) qələbə qazanıb. Flaqman “Neftçi” isə Bakıda “Sumqayıt”ı 2:1 hesabı ilə məğlubiyyətə uğradıb.
Turun avqustun 24-də oynanılacaq sonuncu görüşündə “Zirə” və “İnter” komandaları üz-üzə gələcək.
Hazırda turnir cədvəlinə hesabında 7 xal olan “Qarabağ” komandası liderlik edir.
Bölmənin digər xəbərləri
