Avropa Amputant Futbol Federasiyasının prezidenti: Azərbaycanın gözəl paytaxtı Bakı şəhərində olmaqdan qürur duyuruq
Bakı, 17 oktyabr, AZƏRTAC
Avropa Amputant Futbol Federasiyası olaraq biz qonaqpərvərliyi ilə tanınan Azərbaycanın bu gözəl paytaxtı, Bakı şəhərində olmaqdan qürur duyuruq.
AZƏRTAC xəbər verir ki, bu sözləri Avropa Amputant Futbol Federasiyasının (AAFF) prezidenti Mateuş Vidlak Bakının ev sahibliyi etdiyi amputant futbolu üzrə Millətlər Liqasının C qrupunun oyunlarının açılış mərasimində deyib.
O qeyd edib ki, AAFF bu il turniri dörd fərqli ölkədə 18 milli komandanın iştirakı ilə keçirir: “Biz artıq Türkiyə və İspaniyada keçirilən turnirlərdən qayıtmışıq, hazırda Azərbaycandayıq. Son mərhələ isə Rumıniyada keçiriləcək. Bütün bunlar amputant futbolunun inkişafında mühüm addımdır. Hər il daha çox ölkə, oyunçu, gənc, qadın futbolçu və azarkeş bu ailəyə qoşulur”.
M. Vidlak sonda Millətlər Liqasının C qrupunun oyunlarının Azərbaycanda keçirilməsindən qürur duyduğunu və bütün komandalara uğurlar arzuladığını deyib.
Bölmənin digər xəbərləri
