AVROPA İTTİFAQI İLƏ AZƏRBAYCAN ARASINDAPARLAMENT ƏMƏKDAŞLIĞI GENİŞLƏNİR
İclasda Milli Məclis sədrinin müavini, təbii ehtiyatlar, energetika və ekologiya məsələləri daimi komissiyasının sədri Valeh Ələsgərovun başçılığı ilə parlament nümayəndə heyəti iştirak edəcəkdir. Nümayəndə heyətinin tərkibinə Milli Məclisin komissiya sədrlərinin müavinləri Rövşən Rzayev, Azər Əmiraslanov, deputatlar Gülər Əhmədova, Jalə Əliyeva, Çingiz Əsədullayev, Rauf Əliyev, Ülvi Quliyev və Fuad Muradov daxildirlər.
Milli Məclisin mətbuat xidmətindən bildirmişlər ki, tədbirdə komitə ilə Azərbaycan arasında tərəfdaşlıq, iqtisadi, sosial, kənd təsərrüfatı, ətraf mühitin mühafizəsi sahələrində əməkdaşlıq, ölkəmizdə siyasi vəziyyət, insan hüquqları, söz və mətbuat azadlığı, demokratik inkişaf sahələrində atılan addımlar, Ermənistan-Azərbaycan, Dağlıq Qarabağ münaqişəsi ilə bağlı məsələləri müzakirə ediləcəkdir.
Deputatlarımız müzakirələrdə fəal iştirak edəcək, Azərbaycan tərəfinin münasibətini bildirəcəklər.
Toplantıda vitse-spiker Valeh Ələsgərov təşkilatın 2005-ci ildə keçirilən iclasının nəticələrinə dair məruzə ilə çıxış edəcəkdir.
Bölmənin digər xəbərləri
