Avropa Komissiyası koronavirusa yoluxmanın qarşısını alan “Evusheld” preparatını təsdiqləyib
Bakı, 31 mart, AZƏRTAC
Avropa Komissiyası koronavirusa yoluxmanın qarşısını almaq üçün “AstraZeneca” Böyük Britaniya-İsveç istehsalı olan “Evusheld” preparatını təsdiqləyib. AZƏRTAC xəbər verir ki, bu barədə Avropa Dərman Agentliyi (ADA) məlumat yayıb.
Bundan əvvəl, ADA-nın İnsan üçün Dərmanlar Komitəsi “Evusheld” üçün böyüklər və ən azı 40 kiloqram çəkisi olan 12 yaşdan yuxarı yeniyetmələr üçün istifadə üçün qeydiyyat şəhadətnaməsinin verilməsini tövsiyə edib. İndi isə "Avropa Komissiyası preparatın istifadəsinə icazə verib", - deyə Avropa İttifaqının tənzimləyicisi bildirib.
“Evusheld” iki monoklonal anticisim, tiksagevimab və tsilgavimabın qarışığından hazırlanıb. ADA-ya görə iki inyeksiya yolu ilə tətbiq edilən preparat altı aya qədər koronavirus infeksiyasına yoluxmanın qarşısını almaqda effektivdir və adətən yüngül formada özünü büruzə verən az sayda yan təsirlərə malikdir.
Bölmənin digər xəbərləri
