AVROPA KOMİSSİYASININ MENECERİBAKIYA GƏLMİŞDİR
Avropa Birliyinin Azərbaycana Texniki yardımı əlaqələndirmə bürosundan AZƏRTAC-ın müxbirinə bildirmişlər ki, xanım R.Mak birhəftəlik səfər zamanı TASİS-in üç layihəsi üzrə hazırlıq işlərinin gedişini müzakirə etmək üçün Azərbaycana beynəlxalq texniki yardımın milli əlaqələndiricisi, iqtisadi inkişaf naziri Fərhad Əliyevlə və əlaqələndirmə bürosunun icraçı direktoru Əsgər Ələkbərovla görüşəcəkdir.
Qeyd edilmişdir ki, Avropa Komissiyası TASİS-in “Azərbaycanın İqtisadi İnkişaf Nazirliyinin dəstəklənməsi”, “Faza II – tərəfdaşlıq və əməkdaşlıq haqqında sazişin (TƏS) gerçəkləşdirilməsinə yardım”, “Məsləhətləşmə fondunun dəstəklənməsi və sərmayələrin stimullaşdırılması” layihələrini bəyənmişdir və onları yaxın bir neçə ayda həyata keçirmək nəzərdə tutulur.
Xanım Reyçel Makın “Azərbaycanın İqtisadi İnkişaf Nazirliyinin dəstəklənməsi” layihəsi üzrə işlərin başlanması münasibətilə dekabrın 15-də keçiriləcək mərasimdə iştirak edəcəyi də gözlənilir.
Bölmənin digər xəbərləri
