AVROPA ÖLKƏLƏRİ “NABUKKO” LAYİHƏSİNDƏ ÇOX MARAQLIDIRLAR
Azərbaycanda rəsmi səfərdə olan Macarıstanın Baş naziri Ferents Dyurçan AZƏRTAC-a bildirmişdir ki, Avropa ölkələri “Nabukko” layihəsində çox maraqlıdırlar. Biz hamımız bu layihənin reallaşmasının tərəfdarıyıq.
Layihə böyük üstünlüklərə malikdir və biz onun tez bir zamanda həyata keçirilməsi üçün investorları cəlb etməliyik. Həm də bilməliyik ki, bu layihə vasitəsilə nə qədər qaz idxal etmək olar.
Layihənin həyata keçirilməsində Azərbaycan böyük rol oynayır. Macarıstana gəldikdə isə, ölkəmiz 2 milyard kubmetr təbii qaz almaq niyyətindədir. Yaxın 15 ildə Avropanın “mavi yanacağa” tələbatı 50 faizə çatacaq, təxminən 150-200 milyard kubmetr qaza ehtiyac yaranacaqdır.
“Nabukko” layihəsi isə 30 milyard kubmetr qazla Avropanın bu ehtiyacını ödəyə bilər.
######
Bölmənin digər xəbərləri
