Avropa Parlamentində enerji təhlükəsizliyi mövzusunda dəyirmi masa təşkil olunub
Brüssel, 30 aprel, AZƏRTAC
Avropa Parlamentində (AP) “Təlatümlü vaxtlarda enerji təhlükəsizliyi: Avropanın enerji keçidi üçün çoxtərəfli diplomatiya” mövzusunda dəyirmi masa təşkil edilib.
AZƏRTAC xəbər verir ki, tədbirin açılış hissəsində AP üzvləri Riçard Çarneçki, Trayan Basesku, Fulvio Martusçiello, səfir Vaqif Sadıqov, Türkiyənin Avropa İttifaqı (Aİ) yanındakı daimi nümayəndəsi Mehmet Kemal Bozay, Qazaxıstan və Polşanın Aİ yanındakı nümayəndələrinin müavinləri çıxışlar ediblər. Panel müzakirələri zamanı isə, Azərbaycan və Türkiyə səfirliklərinin əməkdaşları, habelə Avropanın tanınmış ali təhsil və beyin mərkəzlərinin nümayəndələri tərəfindən mövzu ətrafında fikir mübadiləsi aparılıb.
AP üzvlərinin çıxışlarında əsasən, Avropanın üzləşdiyi enerji böhranına diqqət çəkilib, vəziyyətdən mümkün çıxış yolları araşdırılıb və bu kontekstdə Cənub Qaz Dəhlizinin strateji rolu vurğulanıb. Digər iştirakçıların çıxışları da əsasən, Cənub Qaz Dəhlizi və onun vasitəsilə Avropa məkanına daha çox təbii qaz nəqli imkanlarına həsr olunub, Azərbaycanın etibarlı tərəfdaş kimi Avropanın enerji təhlükəsizliyində oynadığı müstəsna rolu qeyd olunub.
Vüqar Seyidov
AZƏRTAC-ın xüsusi müxbiri,
Brüssel
Bölmənin digər xəbərləri
