Avropa seçkiləri: Millətçilərin vəziyyəti daha dinamikdir
Paris, 12 mart, AZƏRTAC
Avropa və milli seçkilər bir-birinə qarışsa da, Avropa seçkilərinə milli prizmadan baxılır və 52 faiz fransız hər şeydən əvvəl respublika prezidentinə və ya onun hökumətinə dəstək, yaxud ona müxalif olduqlarını göstərmək üçün səs verəcəklər. Fransa seçiciləri bu məsələ ilə bağlı iki yerə bölünüb. Fransızların 53 faizi seçimlərini ilk növbədə siyasi partiyaların milli məsələlərlə bağlı təkliflərini nəzərə almaqla müəyyən etdiklərini bildirirlər. Yalnız 47 faiz fransız Avropa məsələlərinə üstünlük verdiklərini ifadə edib.
AZƏRTAC xəbər verir ki, Fransada Avropa seçkiləri ilə bağlı aparılan sosial sorğunun nəticələri varlı və yaşlı fransızların daha çox Avropa ilə maraqlandığını göstərib.
Avropa seçkiləri ilə bağlı makronist partiyasının vəziyyəti heç də ürəkaçan deyil. Daxildə üzləşdikləri problemləri 49.3 maddəsi ilə həyata keçirən makronçular Avropa seçkilərində indiki vəziyyətə görə nasionalistlərdən çox geridədir. Hətta, E.Makronun Ukraynaya quru qoşunları göndərmə fikrinin məhz Avropa məsələlərində səfərbərlik kursoru məqsədi daşıdığı söylənilir.
Bu məsələnin işə düşməsi və dövlət başçısına bumeranq kimi qayıtmaması üçün Ukrayna məsələsinin seçki səfərbərliyinə katalitik təsir göstərməsi hesablanıb. Çünki Avropa seçkilərində nasionalistlərin vəziyyəti daha dinamikdir. Sosial sorğuların nəticələri də makronistlərin bu çəkişməni qazanmaqdan çox uzaq olduğunu göstərib. Həqiqətən də, seçki səfərbərliyi, eləcə də narahatçılıqların avropalaşması sosial-iqtisadi status, sosial təbəqələşmə və siyasi mənsubiyyət iyerarxiyalarında dərin lövbər salaraq qalır.
Səsvermə motivasiyasının Avropa ölçüsü 70 və daha yuxarı yaşdakı insanlar (55 faiz), yüksəkvəzifəli şəxslər (58 faiz), aylıq gəliri 5000 avrodan çox olan insanlar (60 faiz) arasında yüksək olduğu təsdiqlənib.
Beləliklə, ictimai işlərlə maraqlanan və mötədil sol qüvvələrdən mərkəzə doğru istiqamətlənən siyasi təbəqəyə mənsub olan varlı, yaşlı Fransa artıq səsvermənin avropalaşmasına tam şəkildə daxil olub. Bu inkişaf demək olar ki, hər iki fransızdan birinə təsir edir və Fransada siyasi münasibətlərin mütərəqqi avropalaşmasını əks etdirir.
Digər tərəfdən, daha populyar, Avropa haqqında daha az məlumatlı, daha çox narazı və ifrat sağçıların cəlb etdiyi gənc Fransa sanksiyaya yönəlmiş güclü milli səsvermə məntiqində qalır: 25 və 34 yaş arasında olanların 59 faizi, işsizlərin 60, işləyənlərin 61, bakalavr dərəcəsi olmayanların 62, Avropa Birliyində hərəkətlilik təcrübəsi olmayanların 65, siyasətlə maraqlanmayanların 66, sağçılara meyillilərin 67, müsəlman inanclı seçicilərin 69 faizi Fransanın vəziyyətini nəzərə alaraq, Avropa seçkilərində səs verəcəklərini bildiriblər.
Avropa İttifaqının mövcudluğundan sonra, Aİ yalnız təvazökar bir mənsubiyyət hissi inkişaf etdirdi: respondentlərin 37-i özlərini yalnız fransız hiss edirlər. Fransanın ictimai rəyi hələ də Aİ ilə bağlı suallar və qeyri-müəyyən hisslərlə doludur.
İyunun 9-da keçiriləcək seçkilərdə Avropa məsələləri üzrə qərar veriləcək. Son illərdə yaşanan bütün böhranlarla yadda qalan Fransada milli prizmanın bu seçkilərdə vacib olaraq qalacağı bildirilir.
Bölmənin digər xəbərləri
