Avropa Şurasının baş layihə rəhbəri Milli Məclisdə olub
Bakı, 19 iyun, AZƏRTAC
Milli Məclisin Beynəlxalq münasibətlər və parlamentlərarası əlaqələr komitəsi sədrinin müavini Sevinc Fətəliyeva iyunun 18-dən 21-dək Azərbaycanda fakt araşdırıcı səfərdə olan Avropa Şurasının baş layihə rəhbəri Naomi Trevinnardın başçılıq etdiyi nümayəndə heyəti ilə görüşüb.
Bu barədə AZƏRTAC-a parlamentin mətbuat xidmətindən məlumat verilib.
Bildirilib ki, bu səfər Avropa Şurasının “Avropada uşaqların onlayn istismarı və aldadılması” adlı layihəsi çərçivəsində həyata keçirilir.
Söhbət zamanı Azərbaycanda uşaqların onlayn istismarı və aldadılması ilə bağlı müvafiq qanunvericilik, siyasət və təcrübə sahəsində boşluqların təhlili ilə əlaqədar fikir mübadiləsi aparılıb.
Görüşdə Avropa Şurasının Bakı ofisinin rəhbəri səfir Zoltan Hernyeş də iştirak edib.
Bölmənin digər xəbərləri
