Avropanın ən gözəl paytaxt şəhərlərinin reytinqi açıqlanmışdır
Bakı, 11 avqust (AZƏRTAC). Rusiyanın RBK portalı Avropanın ən gözəl paytaxtlarının siyahısını dərc etmişdir. Reytinq 35 786 nəfər respondentin iştirak etdiyi sorğu nəticəsində hazırlanmışdır.
Siyahıda birinci yerdə Çexiyanın paytaxtı Praqa şəhəri qərarlaşmışdır. Belə ki, respondentlərin 14,75 faizi məhz bu şəhərin gözəl olduğunu bildirmişlər.
İkinci yeri Fransanın paytaxtı Paris (12,75 faiz), üçüncü yeri isə İtaliyanın paytaxtı Roma (11,23 faiz) şəhəri tutmuşdur. Siyahının ilk beşliyini Vyana (Avstriya, 10,65 faiz) və London (Böyük Britaniya, 7,34 faiz) tamamlayır.
MDB ölkələri şəhərlərindən reytinqdə 6-cı yerdə Rusiya (Moskva 5,84 faiz) və 9-cu yerdə Ukrayna (Kiyev 4,01 faiz) yer almışdır. Ümumiyyətlə, siyahıda 22 şəhərin adı vardır.
Bölmənin digər xəbərləri
