Belarus Milli Kitabxanası Azərbaycan bayrağı rənglərinə bürünüb
Bakı, 28 may, AZƏRTAC
28 May – Azərbaycanın Müstəqillik Günü münasibətilə Belarus Milli Kitabxanasının binasında xüsusi videoproyeksiya nümayiş olunub.
AZƏRTAC xəbər verir ki, Minsk şəhərinin simvollarından biri hesab olunan kitabxananın üzərində Azərbaycan bayrağı və müstəqillik rəmzləri əks etdirilib.
Layihə Belarusdakı Azərbaycan Ticarət Evinin təşəbbüsü və təşkilatçılığı ilə həyata keçirilib. Videoproyeksiya şəhər sakinləri və paytaxt qonaqları tərəfindən böyük maraqla qarşılanıb.
Təşəbbüs Azərbaycan-Belarus dostluq münasibətlərinin, eləcə də ölkəmizin tarixi və milli dəyərlərinin beynəlxalq müstəvidə tanıdılması baxımından xüsusi əhəmiyyət daşıyır.
Bölmənin digər xəbərləri
