AVSTRİYADAN ALINMIŞ CİNS QARAMALIN İLK PARTİYASI APRELİN 20-DƏK AZƏRBAYCANA GƏTİRİLƏCƏKDİR
Bakı, 5 aprel (AZƏRTAC). “Aqrolizinq” Açıq Səhmdar Cəmiyyətinin (ASC) Avstriyadan aldığı cins qaramalın ilk partiyası aprelin 20-dək Azərbaycana gətiriləcəkdir.
“Aqrolizinq” ASC, Kənd Təsərrüfatı Nazirliyi və Dövlət Baytarlıq Xidmətinin əməkdaşlarından ibarət nümayəndə heyəti bu yaxınlarda Avstriyada olmuş və 300 baş cins inək seçmişlər. Heyvanlar Azərbaycanda 20 gün karantin şəraitində saxlanıldıqdan sonra fermerlərə lizinqə veriləcəkdir.
Yay ayları havaların isti keçməsi ilə əlaqədar heyvanların növbəti partiyalarının gətirilməsinə avqustdan başlanacaqdır. Ümumilikdə, il ərzində ölkəyə Avstriyadan 900 baş cins inəyin gətirilməsi planlaşdırılır. Şərtlərə əsasən, heyvanlar fermerlərə 50 faiz güzəştlə satılır. Vəsaitin qalan 50 faizinin yarısı əvvəlcədən, digər hissəsi isə 3 il ərzində hissə-hissə ödənilməlidir.
Bölmənin digər xəbərləri
