Avtomobil qaçırmağa cəhd göstərməkdə şübhəli bilinən Tovuz şəhər sakini tutulub
Bakı, 6 aprel, AZƏRTAC
Nəqliyyat vasitəsi qaçırmağa cəhd göstərməkdə şübhəli bilinən Tovuz şəhər sakini F.İsgəndərov müəyyən edilərək tutulub.
Daxili İşlər Nazirliyinin mətbuat xidmətindən AZƏRTAC-a bildiriblər ki, Tovuz Rayon Polis Şöbəsinə müraciət edən şəhər sakini F.Abdullayev gecə saat 3 radələrində M.P.Vaqif küçəsindən bir nəfərin ona məxsus “Mercedes” markalı avtomobili qaçırmağa cəhd göstərdiyini bildirib.
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmağa cəhd göstərməkdə şübhəli bilinən şəhər sakini F.İsgəndərov müəyyən edilərək saxlanılıb.
Tovuz RPŞ tərəfindən araşdırma aparılır.
Bölmənin digər xəbərləri
