Avtovağzalda çantadan 500 manat və 4 min ABŞ dollar oğurlanıb
Bakı, 5 iyun AZƏRTAC
Mayın 31-də Bakı Beynəlxalq Avtovağzal Kompleksinin qarşısında Bakı şəhər sakini olan bir nəfərin çantasından 500 manat və 4 min ABŞ dollarının qeyri-aşkar şəraitdə oğurlanması barədə polisə məlumat daxil olub.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib. Bildirilib ki, oğurluq əməlini törətməkdə şübhəli bilinən Tovuz rayon sakini Elvin Namazov Binəqədi Rayon Polis İdarəsinin 40-cı Polis Bölməsi əməkdaşlarının keçirdikləri əməliyyat tədbiri nəticəsində müəyyən olunaraq saxlanılıb.
Araşdırma aparılır.
Bölmənin digər xəbərləri
