“AZDATAKOM” ŞƏBƏKƏSİNİN YARADILMASI ÜZRƏ İŞLƏR SÜRƏTLƏ REALLAŞDIRILIR
Respublikanın bütün bölgələrini əhatə edəcək vahid «AzDataKom» şəbəkəsinin yaradılması üzrə işlər sürətlə reallaşdırılır.
Rabitə və İnformasiya Texnologiyaları Nazirliyindən AZƏRTAC-a bildirmişlər ki, hazırda «AzDataKom» şəbəkəsinin birinci fazası üzrə işlər uğurla başa çatdırılmış, nəticədə Bakı və Sumqayıt şəhərlərinin ATS-ləri vahid şəbəkəyə birləşdirilmiş və 10 Gbit/saniyə sürətli informasiya mübadiləsi üçün imkan yaradılmışdır.
Yaxın zamanlarda şəbəkə üzrə işlər başa çatdırılacaq və dövlət orqanlarının regionlarda fəaliyyət göstərən qurumları arasında yüksəksürətli və tam təhlükəsiz informasiya mübadiləsi aparılacaqdır. Respublika vətəndaşları bu şəbəkə vasitəsi ilə “on-line” rejimdə elektron xidmətlərindən istifadə edəcəklər.
“AzDataKom” Azərbaycan hökuməti və BMT-nin İnkişaf Proqramının birgə həyata keçirdikləri “Milli E-idarəçilik təşəbbüsü” layihəsi çərçivəsində qurulur.
Bölmənin digər xəbərləri
