AZƏRBAYCAN ALPİNİSTLƏRİNİN 2007-Cİ İLDƏ İLK YÜRÜŞÜ ŞAHDAĞA OLACAQDIR
AZƏRTAC xəbər verir ki, bu il Azərbaycan alpinistləri bir sıra dağ zirvələrinə yürüşlər təşkil edəcəklər.
Respublika Alpinist-Turist Klubunun sədri Saridan Mürsəqulov bildirdmişdir ki, fevralda alpinistlər Şahdağı (4243 metr) fəth etməyə hazırlaşırlar.
Onun sözlərinə görə, fevral ayında Şahdağın ətəyindəki şəlalə və çaylar buz bağladığından burada alpinistlərin təlim - məşq keçməsi üçün
əlverişli şarait yaranacaqdır.
Apreldə Gürcüstan Respublikasının Müstəqillik günü ilə əlaqədar Kazbek (5033 metr) dağına yürüşə qatılacaq Azərbaycan alpinistləri, mayda Qusar rayonu ərazisində ümummilli lider Heydər Əliyevin adını daşıyan uca dağ zirvəsinə (3763 metr) beynəlxalq yürüş təşkil edəcəklər.
Gələcək planlardan danışan klubun sədri demişdir ki, hazırda Rusiyanın “Alpindustriya” şirkəti ilə beynəlxalq layihələrdə iştirak etmək üçün aparılan danışıqlarda razılıq əldə olunarsa, Azərbaycan alpinistləri ilk dəfə Alp dağlarının ən uca zirvəsi olan Monblana (4810 metr) qalxmağa cəhd göstərəcəklər.
Bölmənin digər xəbərləri
