AZƏRBAYCAN BEYNƏLXALQ BANKI MÜKAFATLARA LAYİQ GÖRÜLMÜŞDÜR
Bankın mətbuat xidmətindən AZƏRTAC-a verilən məlumata görə, keçən il olduğu kimi, bu il də ABB “Euromoney” jurnalının “Ən yaxşı bank” və “The banker” jurnalının “İlin bankı” mükafatları ilə təltif edilmişdir. Həmin mükafatlar Londonda ABB-nin Böyük Britaniya nümayəndəliyinə təqdim olunmuşdur.
Son üç ildə Azərbaycan Beynəlxalq Bankı həm də Amerikada nəşr olunan “Qlobo Finance” (Qlobal Faynans) jurnalının “İnkişaf etməkdə olan dünya bazarında ən yaxşı bank”, “İnternet-Bankinq”in xidməti üzrə ən yaxşı bank, Cenevrə Ali Biznes və Menecment İnstitutunun və İsveçrə Biznes Klubunun təsis etdiyi “Qızıl medalyon” beynəlxalq mükafatlarına da layiq görülmüşdür.
