AZƏRBAYCAN BOKSÇULARI TƏLƏBƏLƏR ARASINDA AVROPA ÇEMPİONATINDA BÜRÜNC MEDAL QAZANMIŞLAR
Bakı, 17 oktyabr (AZƏRTAC). Elista şəhərində keçirilən tələbələr arasında Avropa çempionatında Azərbaycan, Belarus, Moldova, Rumıniya, Türkiyə, Ukrayna və Rusiyadan idmançılar iştirak edirlər. Yarışlarda Azərbaycanın şərəfini Rəhim Nəcəfov (54 kq), İlkin Ağayev (57 kq), Qismət Eynullayev (60 kq), Fərid Ağayev (75 kq), Rahib Bəylərov (81 kq) və Elçin Əhmədov (91 kq-dan yuxarı) qoruyurlar.
Rəhim Nəcəfov və Elçin Əhmədov bürünc medala layiq görülmüşlər. Fərid Ağayev dörddəbir finalda moldovalı Məhəmməd Yevloyevi məğlub etmişdi. Onun növbəti rəqibi Belarus boksçusu Mənsur Elsayev olacaqdır.
Təəssüf ki, digər idmançılarımız mübarizəni dayandırmışlar. Hər üç boksçumuz öz çəki dərəcələrində 5-ci yeri tutmuşdur.
Bölmənin digər xəbərləri
