AZƏRBAYCAN CÜDOÇUSU KİFAYƏT QASIMOVA AVROPA ÇEMPİONATININ BÜRÜNC MEDALINI QAZANMIŞDIR
AZƏRTAC xəbər verir ki, Lissabonda cüdo üzrə Avropa çempionatı davam edir. Yarışların birinci günü tatami üzərinə çıxan Kifayət Qasımova (57 kq) bürünc medala layiq görülmüşdür. Ardıcıl olaraq, serbiyalı Radimir Perisiç, və estoniyalı Yulia Pesko üzərində qələbə qazanan Azərbaycan cüdoçusu, növbəti görüşdə Avstriya təmsilçisi Sabriba Filmozerə uduzmuşdur. Lakin avstriyalı idmançı yarımfinala irəlilədiyindən K.Qasımova mübarizəni təsəlliverici görüşlərdə davam etdirmək imkanı qazanmışdır. Bu mərhələdə italiyalı Culiya Qvintavalleni ippon fəndi ilə məğlub edən Kifayət Qasımova qitə çempionatının bürünc medalını qazanmaqla yanaşı, Pekin Olimpiadasına lisenziyanı təmin etmişdir.
Kişilərin mübarizəsində Ramil Qasımov (66 kq) yeddinci yeri tutmuşdur.
Bölmənin digər xəbərləri
