AZƏRBAYCAN CÜDOÇUSU RAMİL QASIMOVUN SƏHHƏTİ YAXŞILAŞMAQDADIR
Bakı, 16 oktyabr (AZƏRTAC). Azərbaycanın güclü cüdoçularından biri olan Ramil Qasımov (66 kq) Almaniyada dizində cərrahiyyə əməliyyatı aparıldıqdan sonra reabilitasiya kursunu uğurla davam etdirir. Həkimlərin icazə verdiyinə görə, o, artıq məşqlərə başlamışdır.
Belə ki, Ramilin gələn ilin əvvəllərində yenidən tatami üzərinə çıxacağı və 2012-ci il olimpiadasında iştirak etmək üçün lisenziya xalları toplamağa başlayacağı istisna edilmir.
Qeyd etmək lazımdır ki, Ramil Qasımov bu il Hamburqda Qran-pri yarışlarının bürünc mükafatının sahibi olmuş, Tbilisidə keçirilmiş Avropa çempionatında iştirak etmiş, bundan sonra cərrahiyyə əməliyyatına hazırlaşdığına görə, Rotterdamda keçirilmiş dünya birinciliyi yarışlarına qatılmamışdır.
Bölmənin digər xəbərləri
