Azərbaycan Ədliyyəsinin 95 illik yubileyi ilə əlaqədar 4 saylı cəzaçəkmə müəssisəsində tədbirlər keçirilmişdir
Bakı, 21 noyabr (AZƏRTAC). Penitensiar Xidmətin 4 saylı cəzaçəkmə müəssisəsində Azərbaycan Ədliyyəsinin 95 illik yubileyinin qeyd edilməsi ilə bağlı tədbirlər keçirilmişdir.
Penitensiar xidmətin ictimaiyyətlə əlaqələr şöbəsindən AZƏRTAC-a bildirmişlər ki, müəssisədə məhkumlar arasında idman yarışları təşkil olunmuş, Azərbaycan Ədliyyəsinin tarixini əks etdirən xüsusi stendlər hazırlanmış, mühazirələr oxunmuşdur.
Müəssisədə məhkumların özfəaliyyət dərnəklərinin üzvləri ilə birgə “Qoy ədalət zəfər çalsın” devizi altında bədii-əyləncəli tədbir hazırlanmışdır.
Tədbirdə Azərbaycan Ədliyyəsinin yaranma tarixindən, keçdiyi inkişaf yollarından, bugünkü uğurlarından danışılmış, məhkumların ifasında kiçik səhnəciklər nümayiş etdirilmiş, şeirlər səsləndirilmişdir.
Bölmənin digər xəbərləri
