Azərbaycan gimnastları Hüseyn Abbasov və Maqsud Maqsudov Avropa çempionatının finalına yüksəliblər
Bakı, 1 may, AZƏRTAC
Azərbaycan gimnastları Hüseyn Abbasov və Maqsud Maqsudov Rusiyanın Soçi şəhərində keçirilən batut gimnastikası, tamblinq və ikili minibatut üzrə Avropa çempionatının finalına yüksəliblər.
AZƏRTAC xəbər verir ki, gimnastlarımız yarışların üçüncü günündə gənclər arasında batut üzərində sinxron hərəkətlərdə çıxış ediblər. Onlar 87,62 xal toplayaraq təsnifat mərhələsində birinci yer tutublar.
Qeyd edək ki, 23 ölkədən idmançıların iştirak etdiyi Avropa çempionatına mayın 2-də yekun vurulacaq.
Bölmənin digər xəbərləri
