AZƏRBAYCAN İDMANÇILARI DÜNYA ÇEMPİONATINDA ON ALTI MEDAL QAZANMIŞLAR
Bakı, 13 oktyabr (AZƏRTAC). Rostov-Donda WPS/AWPS versiyası üzrə qadınlar və kişilər arasında pauerliftinq və arxası üstdə uzanmış vəziyyətdə ştanqqaldırma üzrə ilk təchizatsız dünya çempionatı başa çatmışdır. Yarışda Azərbaycan, Kanada, Rusiya, İsrail, Latviya, İsveçrə, Macarıstan, Belarus və Moldovadan atletlər iştirak etmişlər.
Azərbaycan yığmasının üzvləri hər iki növdə 9 qızıl, 4 gümüş və 3 bürünc medal qazanmışlar. Günel Talıbova (48 kq), Elmir Tanrıverdiyev, Elnur Emilov (hər ikisi 60 kq), İlham Allahverdiyev (67,5kq), Anatoli Yarovoy (75 kq), Boqdan Kovalenko (82,5 kq), Hafiz Verdiyev (100 kq), İbrahim İbrahimov (110 kq) və Rüfət Ağayev (67,5 kq) qızıl medala layiq görülmuşlər. Ceyhun Qurbanov (67,5 kq), Balı Hacıyev (90 kq), Həzrət Məhəmmədov (110 kq), Rüfat Ağayev (125 kq) gümüş, Samir Şirəliyev (82,5 kq), İsrafil Məmmədov (140 kq-dan yuxarı) və Ramin Rzayev (75 kq) isə bürünc medallar qazanmışlar.
Bölmənin digər xəbərləri
