Azərbaycan idmançısı: Yaponiyalı rəqibim şounu, mən isə sakit döyüşməyi xoşlayıram
Bakı, 19 oktyabr, AZƏRTAC
İnanıram ki, “Qəbələ” İdman Klubu ilə müqaviləmiz xeyirli olacaq və uzun illər davam edəcək.
AZƏRTAC xəbər verir ki, bu sözləri Azərbaycanın MMA döyüşçüsü Vüqar Kərəmov "Qəbələ" İdman Klubu ilə imzalanma mərasimində deyib.
Bakıda “Rizin” çərçivəsində keçiriləcək “Landmark 7” turnirindən də söz açan 31 yaşlı idmançı bildirib ki, yarışda Azərbaycanın ən güclü döyüşçüləri iştirak edəcəklər: “Yaponiyalı rəqibim Çihiro Suzuki son döyüşündə qalib gəldikdən sonra ölkəsində "ulduz" adlandırıldı. Buna baxmayaraq, rinqə çıxanda rəqibimin kimi necə məğlub etdiyini düşünmürəm. Beynimdə yalnız qələbə qazanmaq fikri olur. Suzuki şounu xoşlayır. Mən isə sakit şəkildə döyüşməyə üstünlük verirəm. Sözümü rinqdə qalib gələrək deyəcəyəm”.
Qeyd edək ki, “Landmark 7” turniri noyabrın 4-də Milli Gimnastika Arenasında keçiriləcək.
Bölmənin digər xəbərləri
