Azərbaycan ilə Gürcüstan arasındakı hərbi əməkdaşlığın inkişaf perspektivləri müzakirə olunmuşdur
Bakı, 16 may (AZƏRTAC). Bakıda səfərdə olan Gürcüstanın müdafiə naziri Baçana Axalaya mayın 16-da Azərbaycanın müdafiə naziri, general-polkovnik Səfər Əbiyevlə görüşmüşdür.
Fəxri xiyabanda ümummilli lider Heydər Əliyevin məzarını və Şəhidlər xiyabanını ziyarət etdikdən sonra gürcüstanlı qonağın Müdafiə Nazirliyində təntənəli qarşılanma mərasimi keçirilmiş, hər iki ölkənin dövlət himni səsləndirilmişdir.
Müdafiə Nazirliyinin mətbuat xidmətindən AZƏRTAC-a bildirmişlər ki, geniş tərkibdə görüşdə müdafiə nazirləri ölkələrimiz arasındakı hərbi əməkdaşlıq əlaqələrinin inkişaf perspektivləri və bölgədə hərbi-siyasi durum barədə fikir mübadiləsi aparmışlar.
Sonra nazirlər arasında təkbətək görüş keçirilmişdir.
Bölmənin digər xəbərləri
