Azərbaycan ilə İran arasında dostluq və əməkdaşlıq haqqında Birgə Bəyannamə təsdiq edilib
Bakı, 30 dekabr, Əsəd Məmmədov, AZƏRTAC
Milli Məclisin dekabrın 30-da keçirilən iclasında Azərbaycan Respublikası ilə İran İslam Respublikası arasında dostluq və əməkdaşlıq haqqında Birgə Bəyannamənin təsdiq edilməsi barədə qanun layihəsi müzakirələrdən sonra təsdiqlənib.
AZƏRTAC xəbər verir ki, bəyannamənin əhəmiyyətindən danışan Milli Məclisin beynəlxalq münasibətlər və parlamentlərarası əlaqələr komitəsinin sədri Səməd Seyidov deyib ki, bu sənəd Azərbaycan ilə İran arasında əlaqələrin daha da inkişafı üçün əsaslı zəmin yaradır. Ölkələrimiz arasında əlaqələr dostluq, qardaşlıq, əməkdaşlıq üzərində qurulub.
Qeyd edilib ki, sənədin birinci bəndində tərəflər öz ərazisində bir-birinin dövlət suverenliyi və ərazi bütövlüyü əleyhinə yönəlmiş təşkilatlar, qruplar və ayrı-ayrı şəxslərin fəaliyyətinin qarşısının alınması ilə bağlı müvafiq tədbirlərin görülməsinə hazır olduqlarını bir daha təsdiq edirlər.
Bölmənin digər xəbərləri
