Azərbaycan-İndoneziya əlaqələrinin inkişafında qanunverici orqanlar əhəmiyyətli rol oynayır
Bakı, 18 noyabr (AZƏRTAC). Noyabrın 18-də İndoneziya-Azərbaycan parlamentlərarası dostluq qrupunun üzvləri Milli Məclisdə beynəlxalq münasibətlər və parlamentlərarası əlaqələr komitəsinin üzvləri ilə görüşmüşlər.
AZƏRTAC xəbər verir ki, görüşdə Azərbaycan-İndoneziya münasibətlərindən danışan komitə sədri Səməd Seyidov demişdir ki, iki dost və qardaş ölkə arasındakı əlaqələr son vaxtlar uğurla inkişaf edərək strateji səviyyəyə qədər yüksəlmişdir. O, qarşılıqlı səfərlərin və görüşlərin bu əlaqələrin daha da genişlənməsində xüsusi rol oynadığını diqqətə çatdırmışdır.
İndoneziya-Azərbaycan parlamentlərarası dostluq qrupunun rəhbəri Ferrari Roemavi Azərbaycan və İndoneziyanın hər zaman beynəlxalq təşkilatlarda bir-birini dəstəklədiyini söyləmişdir. O, iki ölkə arasında qarşılıqlı ticarət və investisiya qoyuluşu sahələrində əlaqələrin inkişaf etdirilməsi üçün geniş potensialın olduğunu diqqətə çatdırmışdır.
F.Roemavi Azərbaycan-İndoneziya əlaqələrinin inkişafında hər iki ölkənin qanunverici orqanlarının da əhəmiyyətli rol oynadığını diqqətə çatdırmışdır.
Görüşdə qarşılıqlı maraq doğuran məsələlər ətrafında fikir mübadiləsi aparılmışdır.
Bölmənin digər xəbərləri
