Azərbaycan nümayəndəsi beynəlxalq şahmat turnirinin liderlər qrupundadır
Bakı, 7 oktyabr, AZƏRTAC
Men adasının paytaxtı Duqlas şəhərində üç qrupdan ibarət “PokerStars Isle of Man International 2015” beynəlxalq şahmat turniri start götürüb.
AZƏRTAC xəbər verir ki, ən güclü şahmatçıların “Masters” turnirində 108 şahmatçı, o cümlədən 45 qrossmeyster, reytinq xalı 700 olan 4 şahmatçı iştirak edir. Turnir iştirakçıları arasında Azərbaycanı legioner Arkadi Naydiç (2682) təmsil edir.
“Masters” qrupunda dörd turdan sonra hərəyə 3,5 xal toplayan 7 qrossmeyster, o cümlədən Arkadi Naydiç liderlik edirlər.
Birinci mükafat 10 min funt sterlinqdir. Qadın şahmatçıların turnirində isə birinci mükafat 3 min funt sterlinqdir.
Men adasında turnir İsveçrə sistemi ilə 9 turda keçirilir.
Bölmənin digər xəbərləri
