Azərbaycan Premyer Liqası: “Qarabağ”dan darmadağın
Bakı, 4 noyabr, AZƏRTAC
Noyabrın 4-də futbol üzrə Azərbaycan Premyer Liqasında XII turun daha bir oyunu keçirilib.
AZƏRTAC xəbər verir ki, saat 16:00-da başlayan oyunda son çempion “Qarabağ” komandası “Kəpəz”i qəbul edib.
Tofiq Bəhramov adına Respublika Stadionunda keçirilən matç “Qarabağ”ın 7:1 hesablı qələbəsi ilə yekunlaşıb. Ağdamın təmsilçisinin qollarını
2, 15 və 43-cü dəqiqələrdə Yassin Benzia, 13-cü və 51-ci dəqiqədə Leandro Andrade, 37-ci dəqiqədə Olavio Juninyo, 63-cü dəqiqədə Nəriman Axundzadə vurub. “Kəpəz”in heyətində isə 18-ci dəqiqədə Adama Niane fərqlənib. Bununla da “Qarabağ” xallarının sayını 23-ə çatdırıb və liderliyə yüksəlib. "Kəpəz"in isə 6 xalı var və sonuncu pillədə qərarlaşıb.
Saat 18:00-da başlayan günün digər matçında isə “Araz-Naxçıvan” klubu “Sumqayıt”ı qəbul edir.
Bölmənin digər xəbərləri
