AZƏRBAYCAN PREZİDENTİ İLHAM ƏLİYEV EKSON/MOBİL ŞİRKƏTİNİN PREZİDENTİ TİM SEYKANI QƏBUL ETMİŞDİR
Nyu-Yorkda səfərdə olan Azərbaycan Respublikasının Prezidenti İlham Əliyev sentyabrın 23-də “Ualdorf Astoriya” mehmanxanasında, onun üçün ayrılmış iqamətgahda Ekson/Mobil şirkətinin prezidenti Tim Seykanı qəbul etmişdir.
Cənab Tim Seyka Azərbaycan üçün əlamətdar hadisə - “Əsrin müqaviləsi”nin imzalanmasının onuncu ildönümü münasibətilə Prezident İlham Əliyevi təbrik etdi. O, Xəzərin təbii ehtiyatlarının işlənilməsinə dair layihələrin uğurla həyata keçirilməsindən məmnunluqla söhbət açdı.
Görüşdə həmin layihələr ətrafında fikir mübadiləsi edildi. Bununla əlaqədar Ekson/Mobil şirkətinin Azərbaycanda gələcək fəaliyyəti də diqqət mərkəzində oldu.
Bölmənin digər xəbərləri
