Azərbaycan regionun ən çox inkişaf etmiş ölkəsidir
Bakı, 4 fevral (AZƏRTAC). Azərbaycanın və Bosniya Herseqovinanın qanunverici orqanları arasında əlaqələrin inkişafı hər iki tərəfin maraq dairəsindədir. Bakıya səfərimin əsas məqsədi parlamentlərimiz arasında, eləcə də digər sahələrdə əməkdaşlığımızın daha da genişləndirilməsinə dair fikir mübadiləsi aparmaqdır.
AZƏRTAC xəbər verir ki, bu sözləri fevralın 4-də Azərbaycana rəsmi səfərə gəlmiş Bosniya və Herseqovina Parlament Məclisinin Nümayəndələr Palatasının sədri Bojo Lyubiç Heydər Əliyev Beynəlxalq Aeroportunda jurnalistlərə müsahibəsində demişdir.
Bojo Lyubiç bildirmişdir ki, Azərbaycan ilə Bosniya və Herseqovina arasındakı dostluq münasibətlərinin tarixi kökləri vardır.
B.Lyubiç demişdir: “Neft-qaz ölkəsi olan Azərbaycan regionun ən çox inkişaf etmiş dövlətidir. Bölgədə ən böyük sərmayə Azərbaycan iqtisadiyyatına qoyulmuşdur. Eyni zamanda, indi Azərbaycan özü xarici ölkələrin iqtisadiyyatına investisiya qoyur. Bosniya və Herseqovina da kənd təsərrüfatı və metallurgiya sənayesi üzrə ixtisaslaşmışdır. Düşünürəm ki, bu və digər amillər bizə imkan verir ki, gələcəkdə iqtisadi əlaqələrimizi də inkişaf etdirək.
Bölmənin digər xəbərləri
