AZƏRBAYCAN RESPUBLİKASI PREZİDENTİNİN İCRA APARATININ MƏLUMATI
Azərbaycan Respublikasının Prezidenti Heydər Əliyevin 2002-ci il aprel ayının 25-də saat 11.00-da yerli sahibkarlarla görüşünün keçirilməsi nəzərdə tutulur. Görüşdə Azərbaycan Respublikasında sahibkarlığın inkişafı problemləri və ona dövlət yardımının göstərilməsi istiqamətləri, sahibkarlarla dövlət idarəetmə orqanları arasında münasibətlərin tənzimlənməsi və digər problemlər müzakirə ediləcəkdir.
Görüşdə iştirak etmək istəyən sahibkarlar 2002-ci il aprelin 20-dək Azərbaycan Respublikasının İqtisadi İnkişaf Nazirliyinə (Bakı 370066, Niyazi küçəsi 23) yazılı müraciət edə bilərlər. Müraciətdə sahibkarın adı və soyadı, fəaliyyət növü, ünvanı və onu maraqlandıran problemlər göstərilməlidir.
Əlaqə telefonları: 92-92-34; 92-92-35;
faks: 92-55-95
Bölmənin digər xəbərləri
