Azərbaycan Respublikasının Beynəlxalq İnkişafa Yardım Agentliyi beynəlxalq donor konfransında təmsil olunub
Bakı, 21 iyul (AZƏRTAC). Xarici İşlər Nazirliyinin nəzdində fəaliyyət göstərən Azərbaycan Respublikasının Beynəlxalq İnkişafa Yardım Agentliyi (AIDA) cari ilin mayında Serbiya, Bosniya və Herseqovinada baş vermiş təbii fəlakətlə əlaqədar Avropa İttifaqı, Fransa və Sloveniyanın təşəbbüsü ilə Brüssel şəhərində keçirilmiş beynəlxalq donor konfransında təmsil olunub.
Bu barədə Xarici İşlər Nazirliyinin mətbuat xidmətindən AZƏRTAC-a məlumat verilib.
Tədbirdə çıxış edən AİDA-nın rəisi Əşrəf Şıxəliyev baş vermiş təbii fəlakətin region ölkələrinə vurduğu zərəri və beynəlxalq ictimaiyyətin birgə səylərinə ehtiyac duyulduğunu nəzərə alaraq yeni donor ölkəsi olan Azərbaycanın Serbiya və Bosniya və Herseqovinaya təcili humanitar yardım göndərməsi barədə məlumat verib. O, fəlakətdən əziyyət çəkən ölkələrin əlavə humanitar yardımın göstərilməsi üçün Azərbaycan Respublikasına müraciət etdiyini bildirərək hazırda həmin müraciətlərin baxılmaqda olduğunu söyləyib.
Bölmənin digər xəbərləri
